2024北穗之旅

 11年前上過槍岳之後，就再沒有再去上高地，這些年的地球的變化很大，人的生態亦變了很多，上高地經一眾KOL的吹捧之下，以成為香港人其中一個打咭熱點，在2006年自己第一次去時幾乎9成9都是日本人，只能偶然聽到廣東話或國語，到現在中國人隨處可見，真的可說是差天共地。

地球亦如是，2013年去的也是九月，今年2024年去也是九月，但氣溫比之前高了很多，第一天在上高地起步是在11年是穿上風長袖T和風褸，但今年我只著上短袖風褸，而且由上高地到涸沢一段行到身水身汗，地球的天氣也和當然不能同日而語。

語回這次北穗之行，這次只和太太一起走，和上次上槍岳時有朋友一起上不同，上次都是朋友安排多，今次就靠自己了。第一天走了20公里多的路程由上高地1500米高左右，行到涸沢小屋2350米，比相像中長，由上午10時左右起步，到涸沢約4時，路雖然易走，全無險位，但要求耐力，走到涸沢真的有點力竭筋疲。入住小屋後飯過晚飯後，很早就休息，山屋生活是早上5時30分就早飯，所以大部份人都會左9點前就呼呼入睡，明天一早便去下一個目的地。

第二天早上，吃過早飯後就開始向北穗進發，這一段要從2350爬到3106米的北穗高岳山頂，當中有幾段是比較險，但亦比自己相像中容易，但走這段要有一點經驗，全段除了氣力外亦要有須要攀爬，由上午6點半起步走到頂不多11時。

上到山頂後，

日本北阿爾卑斯山脈

的風景盡入眼底。

大切戶，南岳和槍岳的風景

在上山的時候看到遠處風起雲湧，到山頂北穗小屋吃過午飯後，走到屋內安頓後不久就下起滂沱大雨，而且下了兩三個小時，心想真的十分幸運，如果在途中遇上如此大雨，真的可能要放棄攻頂了，亦因為這場大雨，今次北穗之旅的雲海SHOW在旁睌正式開始。

晚上起來，漫天星宿，還可一見久違了的銀河

一覺醒來，又是雲海，而且更是海報級的景緻，日出加上雲海，這次真的非常幸運！

收拾後開始下山回上高地，23公里多路途，當中由山頂到涸沢，都一直有雲海陪伴左右，真是一次大滿足的旅程。

後話： 今次旅程太太有點感冒，在涸沢時其實我想放棄登頂，她休息後覺得可以而能上到山頂，實在非常感激她的堅持和陪伴，才能完成這一趟旅程。之後還會到日本阿爾卑斯登山嗎？我想我會的，但就應該會選擇一些較容易的路線。

SONY A7／A7R FF無反發報會後感

先講機。。好揸手，大細感覺係同NEX7差唔係太遠，FULL FRAME咁既SIZE其實就好 似以前菲林時代用傻瓜機或RF咁既大細，都可以話終於等到呢一日 跟住係AF。。SONY由買起KONICA MINOLTA到出呢部機之前。。我覺得AF既速度從未 改進過。。但呢部機係明顯改善，感覺快既程度直迫NIKON既DSLR，A7由於有PHASE DETECTION AF，所以更比A7R快 （SONY話因為PHASE DETECTION要有個FILTER先做 得好，所以36MPIX既 A7R只會用 CONTRAST AF，但都係明顯快左）， 仲有一樣，有人用CONTAX既AF鏡，係呢部機用得番個AF。。。有CONTAX AF鏡既真 係可以考慮下 鏡。。現在出左3個RANGE (1)24﹣70，28﹣70， 28﹣70，比想像中輕同算細，如果打算買A7係必選套裝 (2）35 2.8 我如果買機會選呢支，因為細支，近餅，又輕，SNAP SHOT 必選 (3) 55 1.8 呢支影人真係幾毒，好SHARP （好在我極少影“米”少女）哈哈 EVF。。。無野講，RESOLUTION係EVF機中最好架啦 紅閘問題 我用支福仔15MM係現場試就無，無機會係室外，所以唔清楚 但有人用支福仔12MM影都無 其他鏡。。未出，，，等下。。話明會有ULTRA WIDE SONY唔會亦講明再有NEX。。。睇黎將來會主打FF 呢部機幾有心機做， 如果A7R咁計， 36MPIX賣16999，同級只有D800E，賣過＄20000 你可能話SONY鏡貴WOR。。。但如果你用D800或800E， 用得的鏡要頂得住36MPIX都唔會平，現在BODY仲平左大半支鏡 又計A7，單機11999， KIT係14999 機身價同D610相差不遠，但。。。又係果句。。。 你要咁輕（417g)同細又做唔到 SENSOR SIZE好多人都知道大SENSOR既好處。。。 亦因為咁我一向唔用43。。因為唔鐘意又唔接受佢個SENSOR SIZE， 除DC仔外，我最細都用DX 現在更有大用大。。 呢次 SONY A7 ／ A7R。。。會有啲乜人會玩呢 一班好多手動鏡既攝影同好， 一班想用大SENSOR 又想輕既人，例如我， 當你去行山。。好似我剛去日本。。真係輕得1g得1g 何況部機都輕400g...仲有鏡呢。。。 放得輕1KG。。。我行多九里路。。走得更遠 所以呢部機應該好有市場 我覺得SONY係改變緊個市場。。。 數碼攝影時代有好幾個好MILESTONE： CANON300D ／ NIKON D70（應該無記錯個MODEL），SLR進入DSLR時代 D3 ／ D3S。。。。將高ISO，低光攝影從新定義 OM，PANASONIC無反相機既出現 現在。。或者又是另一個時代的來臨 FF無反相機 見到既野係咁多 我買唔買。。。呢個係財政上既問題。。。等我度下先

日本北阿爾卑斯之旅 2013

我行既路線一帶其實係叫日本北阿爾卑斯。。。一般去會經松本市，可以由東京去或由名古屋去。。。。到松本市後在松本駅買車飛上“上高地”，這是一個比較好的起點，上到去有好多地方住，由上高地上槍岳要行大約要走22KM，由約1500M海拔行到3000M左右，聽到好長好遠驚。。但其實沒必要一次過行完，因為沿途風光如畫，漫走可多享受風景。。而且中途有好多山莊可住，有得飲有得食，建議分兩日上槍岳， 中途經過的山莊有 明神館，德沢山莊，橫尾山莊，槍沢山莊， 每家大約有3KM距離，槍沢後就要一口氣上山（大約1800行到3000）。。行約6KM到槍岳山莊， 都是有得住，有飲有食。回程如何呢。有好多方法，有部份係極危險路線，如過北穗高岳。。。年年有人死。。。當然亦有部份比較容易的路線，我是選擇往新穗高的路線下山 第二段旅程是去蝶岳，這地方很好風景，可見北阿爾卑斯全境，亦可見富士山。這段可在德沢小屋旁有路上山。。。大約1600行到2655M，中途很多參天大樹和水池，10月開始有紅葉，回程可選行去橫尾。 其實還我有好多地方未去，在橫尾可行入涸沢，涸沢紅葉係日本數一數二的，很多日本人都去那裡行山。我所知入面有兩個山莊，橫尾行入去約2﹣3小時 其他出名未去的地方有北穗高岳，西穗高岳，奧穗高岳 （全部有好大難度，去要好有行山及爬石經驗及沒有畏高），除行山在上高地可前往平湯溫泉區，之後可往新穗高，高山市等地

我的第一個個人相片展覧 - 香港街頭文件

因為我終於完成了第一個個人相片展覧
這個在一年多前己經開始去準備的相片展覧
集合了我近10年的其中的52張數碼攝影作品
雖然我不能說每一張都很精彩
但也總算集合在一起時會有一定的可觀性

這一由數萬張相中選出千多張相再選出這52張相片
由訂場地,列印相片,買材料裱相,包相框到展覽當日上板,
至到每一條膠紙...每一個步驟都自己親力親為
去到這裡..有點懷念當日有很多朋友一起去做一個相展的日子,
什麼也有同好一起合作去做...
話分兩頭...這個展覧,又就好像看著自己的bb出生一樣,不容易去用筆默去形容,
完成了個展。。。現在真有百感在心中

這幾天很多很感動的場面
朋友的禮物不在話下
很多數未某面的觀眾。。。
包括一位伯伯送贈的中國畫
包括一位觀賞者在今早看完相展寫下意見後，見我一個人坐在展場賣了一份早餐給我，
一位墨西哥和一位非洲觀賞者要求買相。。。。
很多很多人花很多時間在GUEST BOOK內寫下一大段很有鼓勵性的文章。。。
和每一位到場或心中支持的朋友們
這些一切一切。。。
我會永記心中。。。。
這個相展雖然結束。。。但不代表是小馬攝影的一個終結
而是我另一個開始